बारामती लोकसभा मतदार संघाकडे सर्व देशाचे लक्ष लागले आहे. सर्वाधिक चर्चेच्या ठरलेल्या या मतदार संघातील प्रचार तोफा रविवारी थंडावल्या. बारामतीमधील 23 लाख 72 हजार मतदार उद्या सात मे रोजी शरद पवार यांच्या कन्या सुप्रिया सुळे आणि अजित पवार यांच्या पत्नी सुनेत्रा पवार यांचे भवितव्य ठरवणार आहे. पवार कुटुंबातील या राजकीय लढाईसाठी शरद पवार वयाच्या 84 वर्षीय सक्रीय आहे. अजित पवार यांच्या बंडानंतर त्यांनी राहिलेल्या लोकांना सोबत घेऊन प्रचार यंत्रणा राबवली. आता बारामती मतदान होण्याच्या पार्श्वभूमीवर त्यांनी फिल्डींग लावली आहे. आपल्या विश्वासू सरदारांवर जबाबदारी दिली आहे.
