Girish Mahajan : भुजबळांच्या नाराजीची चर्चा, भाजपचे संकटमोचक तातडीने भुजबळ फार्मवर दाखल

Girish Mahajan Met Chhagan Bhujbal : छगन भुजबळ नाराज असल्याच्या चर्चा पुन्हा एकदा रंगल्या आहेत. यामुळे गिरीश महाजन यांनी छगन भुजबळ यांची भेट घेतली आहे.

Girish Mahajan : नाशिक लोकसभा मतदारसंघाच्या (Nashik Lok Sabha Constituency) निवडणुकीकडे संपूर्ण राज्याचे लक्ष लागले आहे. नाशिकमध्ये महायुतीकडून शिवसेना शिंदे गटाचे हेमंत गोडसे (Hemant Godse), महाविकास आघाडीकडून शिवसेना ठाकरे गटाचे राजाभाऊ वाजे (Rajabhau Waje) तर अपक्ष उमेदवार शांतीगिरी महाराज (Shantigiri Maharaj) हे निवडणुकीच्या रिंगणात आहेत. तर दुसरीकडे मंत्री छगन भुजबळ (Chhagan Bhujbal) हे नाशिकमध्ये लोकसभेसाठी इच्छुक होते. छगन भुजबळ नाराज असल्याच्या चर्चा राजकीय वर्तुळात पुन्हा एकदा रंगल्या आहेत. यामुळे भाजपचे संकटमोचक गिरीश महाजन (Girish Mahajan) हे तातडीने भुजबळ फार्म (Bhujbal Farm) येथे छगन भुजबळांच्या भेटीसाठी दाखल झाले आहेत.

महायुतीत शिवसेना शिंदे गटाला नाशिकची जागा मिळाल्याने छगन भुजबळ नाराज असल्याची चर्चा सुरु होती. गेल्या काही दिवसांपासून छगन भुजबळ हे प्रचारात सक्रीयपणे सहभागी होताना दिसले नाही. पंतप्रधान नरेंद्र मोदींच्या सभेला भुजबळांनी हजेरी लावली होती. त्यामुळे भुजबळांची नाराजी दूर झाली असे दिसत होते. मात्र आज सकाळी शरद पवार गटाचे प्रदेशाध्यक्ष जयंत पाटील यांनी छगन भुजबळ नाराज असल्याचे मला समजले, असे वक्तव्य केले होते. यामुळे राजकीय वर्तुळात चर्चा उधाण आले आहे.

गिरीश महाजनांनी घेतली छगन भुजबळांची भेट 

यानंतर नुकतेच भाजपचे संकटमोचक गिरीश महाजन मंत्री छगन भुजबळ यांच्या भेटीसाठी नाशिकच्या भुजबळ फार्म येथे दाखल झाले आहे.  काही वेळापूर्वीच गिरीश महाजन यांनी भुजबळ साहेब नाराज नाहीत. ते कामाला लागले आहेत, असे वक्तव्य माध्यमांशी संवाद साधताना केले होते. यानंतर ते तातडीने भुजबळांच्या भेटीसाठी पोहोचले.  छगन भुजबळ आणि गिरीश महाजन यांच्या नेमकी काय चर्चा होणार? हे पाहणे आता महत्वाचे ठरणार आहे.